تحریک انصاف کے سربراہ عمران خان نے کہا ہے بجلی اور پیٹرول کی قیمتو ں میں اضافے پر پارلیمنٹ کے اندر اور باہر مظاہرے کیے جائیں گے۔ تحریک انصاف کے سربراہ عمران خان نے عوام پرپیٹر ول بم گرانے پر مرکزی حکموت کو تنقید کا نشانہ بنایا ہے ، ان کا کہنا ہے بجلی کی قیمتوں میں تاریخی اضا فہ کیا گیاہے جو غریب عوام اور متوسط طبقے کی کمر توڑ دینے کے مترادف ہے۔ ان کا کہنا تھا بجلی کی قیمتوں میں حالی اضافہ مجرمانہ فعل ہے ۔عوام صرف بجلی کی نہیں کرپشن کی قیمت بھی ادا کررہے ہے ۔
ان کا کہنا تھا۔ ملک سے بجلی چوری کے خاتمے اور ٹیکس نیٹ کو وسیع کرنے کے بجائے عوام پر ظلم کیا جارہا ہے انہوں نے حکومت سے مطالبہ کیا کہ بجلی کی قیمتوں اضافہ فوری طور پر واپس لیا جائے۔ عمران خان کا کہنا تھا تحریک انصاف بجلی اور پیٹرول کی قیمتو ں میں اضافے پر ملک بھر اور پارلیمنٹ میں مظاہرے کرے گی عمران خان کا کہنا تھا میاں نواز شریف نے عوامی مینڈیٹ کو دھوکہ دیا ہے۔
